قبل ما تعيد تحميل ملف الضغط المعطوب جرب دى

كتير مننا بيعانى عند فك ضغط فيلم أو لعبة انه يلاقى أحد الاجزاء بايظة وتطلعله رساله file is corrupt
انا عندى طريقة بسيطة وسهلة تخلى الملف يرجع سليم من غير ما تعيد تحميلة وأنا جربتها ونفعت معاى
جرب ومش هتخسر حاجة

افتح الملف البايظ بالظغط عليه left double click هيظهرلك زى الصورة بالظبط هتلاقى فيها أيقونة نوع الملف اللى انت بتفك ضغطه يعنى لو ملف ايزو هتلاقى ايقونة الايزو او ملف ريال بلاير هتلاقى الايقونة بتاعه وهكزا
وبعدين من قايمة tools أو أدوات اختار repair archive
هتلاقيه اتوماتيك جايب لك نفس المكان اللى هى فيه للحفظ , مش مشكلة بس بعد ما تخلص ما تنساش تحزف الملف البايظ وتسمى الملف الللى انت صلحته بنفس الاسم القديم وفك الضغط تانى وان شاء الله هتلاقيه اتفك ضغطه عادى